Feira Náutica do Freixo
Economía e cultura marítima en Outes
A Feira Náutica do Freixo, celébrase no Concello de Outes. Trátase dun evento profesional e de ocio que visibiliza, pon en valor e promove aos profesionais e outros axentes vinculados ao mar que desenvolven a súa actividade no territorio Galp Costa Sostible, particularmente as relacionadas coa construción naval e servizos náuticos, así coma a cultura mariñeira vinculada de Outes e da Ría de Muros Noia.
Esta promoción faise a través dunha feira profesional na que participan empresas e profesionais vinculados ao mar con sede en Outes e contorna. A posta en valor da actividade profesional complementárase cunha variada oferta de experienciais vinculadas a un turismo cultural e industrial, que ofrece aos asistentes o contexto e relato da importancia histórica que os sectores vinculados ao mar tiveron e teñen no concello e na Ría de Muros Noia.
A Feira Náutica dirixe as súas actividades tanto a profesionais do sector do mar coma ao público en xeral, que teña interese en coñecer e gozar dunha oferta lúdica que destaca a evolución histórica da cultura marítima da zona e o seu impacto social e paisaxístico.
O mar, vínculo histórico e
económico de Outes
Outes ten unha vinculación histórica co mundo do mar, que se reflicte tanto nas principais actividades económicas do concello coma no seu patrimonio cultural e industrial, que empapa a identidade social do concello. Un dos sectores económicos máis importantes na actualidade xunto co marisqueo é a construción naval, herdeira da antiga carpintaría de Ribeira da que Outes foi epicentro comarcal e galego en séculos precedentes.
Busca converterse nun espazo de referencia do sector da construción naval e servizos náuticos na Ría de Muros Noia, xerando un marco espazo de encontro para os profesionais , así coma unha corrente de visitantes que acudan a coñecer de primeira man o impacto que este sector económico tivo e segue a ter para o territorio.
A Feira Náutica do Freixo 2024 celebrouse os días 28, 29, 30 de xuño de 2024
A celebración da Feira estivo enfocada nos seguintes obxectivos:
Promoción de servizos e infraestruturas no ámbito local que axudan ao desenvolvemento da zona costeira. Posta en valor de novas empresas adicadas ao turismo náutico, de produtos km 0 a través da hostalaría local.
Valor económico ao patrimonio sociocultural da zona pesqueira e promoción de turismo sostible a través de andainas interpretadas sobre a carpintería de ribeira e a visita a un estaleiro tradicional, Espazo Museístico da carpintería de Ribeira. Estaleiro Ciprián. Andainas interpretadas sobre as orixes do porto do Freixo, dende a época da salazón, pasando pola carpintería de ribeira ata os tempos actuais.
Impulsa o patrimonio cultural ou valoriza as tradicións ou mellora a vida da poboación. Posta en valor do Espazo Museístico da carpintería de Ribeira. Astaleiro Ciprián. Mantendo a memoria dos carpinteiros, os seus traballos, as súas ferramentas e as súas construcións.
Recuperación de embarcacións tradicionais. Durante a Feira Náutica procedeuse á botadura dunha dorna recuperada pola Asociación Terra de Outes.
O proxecto que nos ocupa trátase dunha feira sectorial onde se mostran as empresas vencelladas coa actividade náutica da localidade de Outes e os concellos limítrofes , entre os expositores contouse con estaleiros, empresas de servizos náuticos, motores efectos navais construíndo un escaparate do sector empresarial vinculado tanto a náutica deportiva como a pesca profesional.
Esta Feira Náutica contou co apoio financeiro do Galp Costa Sostible pertencente á Consellería do Mar a través de fondos Europeos.
Importe da subvención concedida 55.631,23 €
70% FEMPA 38.941,861 €
30% Comunidade Autónoma 16.689,369 €
Explora o emocionante mundo da
navegación na Feira Náutica
Descubre o valor da contrución naval e mergúllate nun mundo de entretemento con paseos en barco, visitas guiadas e concertos en vivo.
